Arrivanu l’extratirrestri

Mi nzunnai ca ccu l’astrunavi

arrivanu genti di lluntanu munnu

e subbitu si nni jenu a cunfiriri

cco capuntesta do nostru guvernu.

Vinemu npaci, cci rissunu l’alieni,

vi prupunemu la nostra fratillanza

n’avemu nudda mala ntinzioni

e nni cumpurtamu ccu la massima crianza.

Fratillanza? Cci dissi u prisirenti.

Sì, ma a pattu c’aviti arrispittari

i nostri liggi tassativamenti:

ppi ddiri ca cci su tassi ‘i pavari.

E i tassi principali sunu chisti:

u suprabullu ppe machini vulanti,

a tassa ppa munnizza ca ittati,

a tassa supra o vostru carburanti

e chidda supra l’aria ca ciatati.

Mmumentu, arrispunniu tuttu trimannu,

lu grandi cumannanti di l’alieni:

sbagghiati su ppi casu iti pinsannu

ca semu cca ppi ffarivi i ruffiani.

Anzi, u sapiti cchi vvi dicu?

Siccomu la galassia è scunfinata

e cca siti munciuti comu ‘e ficu

n’accuminiciamu a fari a nostra strata

jennanninni ppi subbitu a circari

npianeta unni non c’è tutta ssa nposta,

pirchì nta stu pianeta, a quantu pari,

arrisuttasturu malati ‘i testa.

(Pippo Litrico)

Commenti

Nuovo Cerca RSS

Commenta
Nome:
Email:	do not notifynotify
Titolo:
UBBCode:	-colore-acquaneroblufucsiagrigioverdelimemarronenavyoliveporporarossoargentocelestebiancogiallo -dimensione-micropiccolomediograndeenorme
Please input the anti-spam code that you can read in the image.

Powered by !JoomlaComment 3.25

3.25 Copyright (C) 2007 Alain Georgette / Copyright (C) 2006 Frantisek Hliva. All rights reserved."