|
 Nell’avvicinarsi del 14 febbraio, giorno di San Valentino e degli innamorati, pubblichiamo la poesia “L’Amuri” di Geppina Macaluso tratta dal libro “Stiddi a primavera”, Target Editrice Enna,1997, che è una “appassionata spiegazione del senso dell’amare espressa con il tenero vigore dl sentimento”. Con questa motivazione nel 1996 la lirica ha ricevuto a Terni il Premio speciale “San Valentino”.
L’AMURI
L’amuri è comu un sciuri ’i gelsuminu
biancu odurusu delicatu
ti sturdisci cu ddu sciauru ’ncantatu
cchiù l’assapuri cchiù lu cori è chinu
E’ un cannisciu chinu di lillà
tu proi un pupiddu ammaliaturi
ti scaccia l’occhiu u signu di l’amuri
t’afferra u so profumu ccà e ddà
E’ rosa russa ardenti appassiunata
turmentu di la menti e di lu cori
s’un ci du cuntu poi di rabbia mori
ci passi ’n biancu u jornu e la nuttata
Si senti amuri senti ’na cosa ranni
lu senti ni lu corpu e ni la menti
è iddu u sentimentu cchiù putenti
sulu iddu dura cchiù di centu anni
Lu veru amuri è vastu comu u mari
beddu infinitu comu u firmamentu
tu si serenu felici cchiù cuntentu
ti veni voglia di chianciri o cantari
Cu ti talìa u sapi u to segretu
nun poi ammucciari d’esseri ’nnammuratu
lu to sorrisu lu to sguardu velatu
dicinu a tutti c’ai l’animu lietu
Macari la persuna cchiù feroci
la cchiù assassina la cchiù pericolosa
quannu c’è amuri cedi si ravvidi
pirchì l’amuri è tutta ’n’autra cosa
L’amuri è la cosa cchiù ’nnuccenti
nasci sulu nun c’è tempu di circari
è la modda ca t’ammutta pi campari
si l’hai ’nto cori nun ci pò cchiù nenti
Pi sapiri s’è amuri è prestu dittu
è cosa facili nun c’è bisognu ’i scoli
a vucca sicca ti mancanu i paroli
l’occhi luciti ’i gioia o chiantu fattu
E’ lu gran masciu di tutti li to’ azioni
ca sunu chiddi ca dicinu cu si
t’arrisolvi i pinsera d’ogni ddì
li to’ problemi li to’ costernazioni
L’amuri è comu petra di diamanti
forti preziusu eternu risplendenti
nun ti lu poi livari di nna menti
nun t’abbannuna mai mancu ’n istanti
E’ leggia e fina corda di violinu
l’ha sunari cu l’arma no cu i ita
musica allegra e tristi di la vita
eppuri sempri un cantu divinu
Sulu iddu è a cchiù ranni magarìa
nun c’è putenza ca tu leva ’i ’n coddu
chiddu c’on ama dici ca si foddu
foddu d’amuri certu no pazzìa
Chi si dici di dui ’nnammurati
ca campanu fori di lu munnu
fannu stranizzi pi iddi tuttu è tunnu
di cu è a ragiuni d’iddi o di nuatri
La ragiunu è la morti di l’amuri
fanni a menu si tu si ’nnammuratu
ti poi truvari sulu e disperatu
perdiri a gioia di tutti li to’ uri
Un baciu ’na taliata ’na carizza
dui manu ca ti sfioranu i capiddi
l’occhi lucenti comu milli stiddi
a forza di cacciari ogni tristizza
Ti amu dittu c’un filiddu ’i vuci
eppoi gridatu a tuttu l’universu
è sempre amuri nun è mai diversu
è suli ca quadìa e ca riluci
Ogn’ura ogni suspiru ogni momentu
si tu li passi in nomi di l’amuri
nun si mai stancu nun senti duluri
ti pari ca t’arridi u firmamentu
Un vasu di cristallu ranni ranni
tenilu sempri chinu rasu rasu
ognunu avi u so e no pi casu
fu fattu pi durari anni e anni
Metticci amuri e fallu iri ’i fora
mettini tantu nun lu risparmiari
cchiù ni nesci e cchiù ni iunci ancora
chistu è lu veru sensu di l’amari
Geppina Macaluso
|
Erin Eatherton si lascia andare senza riserve. 
Provata la nuova Twingo
Test Dna poco efficace per diagnosi